هل استطيع استيراد سيارة غير متوفرة في السعودية

هادي لومينه تدخل انشاء الله 

لحضه غير متوفره ف السعوديه هنا المشكله لو دخلتها ماتلقالها قطع بس السؤال ليه ممنوعه ف السعوديه مع أنها كانت منششره

اتوقع منعوها عشان محركها الجبار .. تخيل 6.2 على هذا الحجم .. طياره ♡

ما عندي فكرة ...بيوك والله كانت سيارة

ما اتوقع والله 

وقفوا صناعة اللومينا و توهم جايبين هاذي السيارة و اسمها ss  ( اتوقع انهم شالوا فئة ss من الكابريس بسبب هاذي السيارة الجديدة )
ونصيحتي اشتري الكومادور من شركة هولدن لانهن وجهين من عملة واحدة بس الكومادور كشكل  افضل .
و ممكن تجيبها 
بس نصيحتي لك خل شركة تصدير سيارات في السعودية تجيبها لك وفي موقع حراج مؤسسات كثير هاذي شغلتهن

نعم تقدر ان شاءالله 

هذي السياره اسمها شيفروليه SS مخصصه للسوق الامريكي..


سبب عدم توفرها لتمشيه سوق الامبالا و الكابرس 

سبب توقف استيراد اللومينا قله المبيعات وليس المنع

.شفت مثلها معروضه قبل كم يوم و سعرها غالي بس داخليتها نفسس الكابريس الجديد و لكن الخارجية اقصر من الكابريس. و الشكل يختلف ، مثل الموديلات السابقة .. 

هذا الشفر الجديد موجود في استراليا كبديل للومينا من 2013 
وفي امريكا اسمها ss سعرها غالي ب 170 الف ماتوقع سبب عدم نزول هذي السيارة لاجل امبالا ولا كابرس 
هذي تعتبر منافسه للدوج تشارجر سيارة سيدان رياضيه

اي سيارة في العالم تستطيع استيرادها مادام لها منشأ وشركة صانعة
وعلى فكرة الناس تعتقد ان الدولة تمنع السيارات عشان محركها وهذا غير صحيح ابداً

هيئة المواصفات والمقاييس تقنن دخول السيارات المعدلة خارج دائرة الشركة الأم
بتعديل صارخ ومبالغ فيه أو بمعنى أدق "ملغمة تلغيم زايد"

يعني مثلا سيارة 1000 حصان ووقودها كيروسين أو سيارات تستخدم في سباقات القدرة والسرعة 
يجب أن تخضع لمتطلبات معينة قبل دخولها 

أما السيارات التجارية المعدلة بتصرف الشركة الام فهذا لا أحد يستطيع منعه
مثل نسخة SRT10 من دودج رام سابقاً أو لكزس LX470 سوبر شارجر
مثلها مثل السيارات السوبر رياضية

واذا كان المنع يختص بمحرك الـ SS فليكن من الاولى منع البوجاتي والنسيان جي تي ار !!

بالنسبة للسيارات الي ما تنزل عندنا على حسب الشركة 
مثلا جنرال موتورز وفورد تلزم الوكلاء باستقبال سياراتها ايا كانت وفي اي مكان 

البيوك يستقبله الجميح ويسوي له صيانة 
وسبق وشفت بويك انكليف في الجميح 

أيضا توكيلات الجزيرة يستقبلون اي سيارة من فورد 
سألت بنفسي موظف الصيانة عن فورد F550 وF650 وقال الضمان ضمان المصنع ماتقدر تمدده بعكس سيارات السوق المحلي
لكن الصيانة الدورية وخلافه نستقبلها مثل سيارات فورد الثانية طبيعي 
وكنت اقول له ان السيارة بتكون جديدة وليست مستعملة 


بامكانك تتأكد بنفسك من اقرب وكيل لك 

تقدر تستوردها مثلها مثل اي سيارة أخرى ما دام المقود على اليسار.

هذا إعلان لشركة تستورد من أمريكا لواحدة ماشية 34 ألف يبون فيها 146 ألف مع اللوحات والجمارك:
http://www.mstaml.com/1910553

وموجود في موقع إيبي كمية منها بألوان وأسعار مختلفة أقل من الإعلان أعلاه تقدر تشتريها وتستوردها بنفسك مثل هذي أو اللي بأسفل الصفحة: http://goo.gl/oZSHbY

وقبل فترة شايف إعلان هنا بحراج واحد مستورد HSV GTS من استراليا بس المقود على يسار أعتقد طلبية خاصة .

مين الى قال ممنوعة اشان انها قوية 
داكي الكورفت والفيراري والبوقاتي كلهم موجودين 

اخواني هذي ماهي لومينا 
هذي شفروليه ss  ومن زمان ماعمرها جات عندنا

يالبيه يالومينا 
6.2 وفوق 400 حصان 
بس مش عارف ليه منعوها :(

اسم السياره شفروليه ss وهي مخصصة للسوق الأمريكية ومحركها 6.2 من نوع ls3

 محركها وجيرها نفسه نفس  الكمارو ss فقط هيكل السياره سيدان. 

لو شريتها بتكون مميز جدا في شوارعنا :)


تقبلوا تحياتي.
أخوكم / الثامنه مع داوود. 

هذي لومينا جديده وهي ب ظبط نفس هولدن بس العلامه شفروليه
بدل هولدن
شايفه في قناه امريكيه على اليوتيوب